EOBO-10 EGO Zlín spol.s.r.o. бір рет қолданылатын қорғаныс костюмі (Чехия)

Бір рет қолданылатын биологиялық қорғаныс жиынтығы комбинезоннан, көзілдіріктен, қолғаптан, бахилалардан (аяққап) және қорғаныс маскасынан тұрады. Пайдаланушының жеке қорғанысын, IIIB класының қорғаныс деңгейін қамтамасыз етеді.

Жеткізу жинағы:

• бір рет қолданылатын капюшонды комбинезон, түсі – қызғылт сары, сұр;
• аяқ киімге арналған шұлық-бахилалар;
• ішкі және сыртқы қорғаныс қолғаптары;
• UVEX қауіпсіздік көзілдірігі;
• REF 651 респираторы, FFP3 қорғаныс деңгейі;

Киіну тәртібі

Капюшонсыз комбинезонды киіп, «сыдырманы» бекітіңіз.

Шұлық-бахилаларды тікелей аяқ киімнің сыртынан киіңіз де, бекіткіш ленталарын байлап, комбинезонның балақтарын тартып кигізіңіз.

Қорғаныс маскасы мен қауіпсіздік көзілдірігін олар бетіңізге етене жанасып тұратындай киіңіз.

Комбинезон сыдырмасын соңына дейін бекітіңіз, планкадағы қорғаныс жолағын біртіндеп шығарыңыз да, онымен сыдырманы мықтап жабыңыз.

Алдымен жұқа латекс қолғаптарын, содан кейін жоғарғы нитрилді қолғаптарды киіңіз. Оларға комбинезон жеңдеріндегі резеңкелерді тартып киіңіз де, жеңін бас бармағыңызға ілінген ілмекпен бекітіңіз.

Костюмді қолданар алдында пайдаланушыға нұсқау беріліп, ол қолданыстағы қауіпсіздік пен гигиена нормаларын сақтауы тиіс.

Костюм киген кезде басқа адамның көмектескені дұрыс.

Костюмді шешу

1. Залалсыздандыру. Залалсыздандыру кабинасы арқылы өткен кезде костюм залалсыздандырылып, бетінен қауіпті заттар шығарылады.

2. Басыңыздан комбинезонның капюшонын шешіп, сыдырмадағы қорғаныс планкасын алып, сыдырманы ағытыңыз. Содан кейін комбинезонды денеңіздің жоғарғы жағынан тартып шешіп, оны бірден сырт жағын ішке қарай айналдыра бүктеңіз. Сол сияқты, шешкен кезде де комбинезонның төменгі жағын теріс айналдырыңыз.

3. Шұлық-бахилалар. Бахиланың таспалы бауын босатып, зақымдалған бетін бірден ішке қаратып, теріс жағына айналдырып шешіңіз.

Нитрилді қолғап. Жасыл қолғапты бір қолыңыздан білегіңізден саусақтарыңызға қарай айналдыра орап шешіңіз. Мұны жасыл қолғап киюлі тұрған екінші қолыңызбен жасаңыз. Дәл осы қолыңызда шешілген оралған қолғапты қалдырыңыз. Екінші қолыңыздағы қолғапты да сол әдіспен шешіңіз де, екі жасыл қолғапты бір түйірге біріктіріп ораңыз. Бұл жағдайда қолыңызға төменгі латекс қолғабын киіңіз.

5. Қауіпсіздік көзілдірігі. Қауіпсіздік көзілдірігін шешіңіз.

6. Қорғаныс маскасы. Қорғаныс маскасын қолыңызбен жоғары көтеріп шешіңіз.

7. Латекс қолғаптары. Жасыл нитрилді қолғап шешкен әдіспен шешіңіз.

Бір рет қолданылатын костюмнің барлық пайдаланылған бөліктерін PE пакетіне салыңыз.

Назар аударыңыз! Бұл костюмнің белгілі бір ортада пайдалану жарамдылығын соңғы пайдаланушы өзі анықтауы керек. Жеткізуші костюмді өзіне жарамсыз ортада пайдаланғаны үшін жауап бермейді.

Залалсыздандыру

Бір рет қолданылатын қорғаныс костюмдерін әдеттегі залалсыздандырғыш құралдармен, мысалы, 2% хлорамин ерітіндісімен немесе 0,5% перстерил ерітіндісімен дезинфекциялауға/залалсыздандыруға болады, бұл ретте химреагенттердің қолданылу мерзімі химагенттің түріне байланысты. Сұйық ерітінділер мен суды қолданған кезде, сұйықтық қорғаныс костюмінің астына ағып кетпейтіндей дезинфекциялау және шаю процесінің «жоғарыдан төменге», яғни басынан аяғына дейінгі бағытты сақтау керек.

EOBO-10 қорғаныс костюмін пайдалану:

• қорғаныс костюмі бір рет қолдануға арналған;
• қорғаныс костюмін қолданар алдында әртүрлі зақымдардың бар-жоғын мұқият тексеру керек;
• костюмді пайдаланатын пайдаланушыны костюмнің барлық құрамдас бөліктерін (қорғаныс маскасы, көзілдірік және т.б.) пайдалану ережелерімен таныстырып, нұсқау беру керек;
• костюмді пайдаланатын пайдаланушы физикалық сау болуы керек, костюмді кию/шешу бойынша нұсқауларды орындауы керек, алдын ала өткен тренингте костюммен жұмыс істеуге бейімделуі керек;
• костюмге тіпті аз ғана зақым келген жағдайда зарарлы аймақтан бірден кету керек;

шамадан тыс физикалық шаршау немесе психикалық стресс жағдайында да зарарлы аймақтағы жұмысты тоқтату қажет

биологиялық агенттермен зақымданған аймақта костюм киіп жұмыс істеген кезде, оны дезинфекциялау немесе зарарсыздандыру жүргізілгенге дейін шешуге тыйым салынады.

қолданғаннан кейін қорғаныс костюмін жақсылап тазалап, қайтадан залалсыздандырып, кәдеге жаратуға тапсыру керек.

пайдалану шарттары – қоршаған ортаның температурасы – -10 °C-тан + 30 °C-қа дейін, ауаның салыстырмалы ылғалдылығы – 75% - дан төмен.

Қорғаныс костюмін келесі жағдайларда қолдануға болмайды:

• оттегінің жетіспеушілігінен немесе оттегіні ығыстыратын газдардың (мысалы, көмірқышқыл газы) болуына байланысты жабық/тұйық кеңістіктерде (мысалы, цистерналар, туннельдер);
• ауадағы оттегінің мөлшері 19,5%-дан төмен болғанда;
• концентрациясы рұқсат етілген ең жоғары нормадан асатын белгісіз өнеркәсіптік зиянды заттар пайда болған ортада;
• газдар мен буларға қарсы қорғаныс ретінде қолдануға болмайды;
• құмағызғыш қондырғымен, бүріккішпен немесе асбестпен жұмыс істегенде;
• EOBO-10 құрылғысын жарылғыш ортада және ашық оттың жанында пайдалануға болмайды;
• костюмнің тігістері немесе негізгі материалы зақымдалған кезде;
• сыдырма немесе қорғаныс планкасы зақымдалса және істен шықса;
• қорғаныс көзілдірігінде мөлдірлік немесе жарықтар жеткіліксіз болған жағдайда;
• қорғаныс қолғаптары механикалық зақымданған жағдайда;
• қорғаныс маскасын дұрыс кию мүмкін болмаған жағдайда (мұрт, сақал, беттегі стандартты емес кедір-бұдырлар).
• Костюм жиынтығына кіретін бөліктер зақымданған жағдайда, оларды жеткізушіден бөлек бөліктермен тапсырыс беруге болады.

Сақтау шарттары

Қорғаныс костюмін тікелей күн сәулесінен/ультракүлгін сәулеленуден қорғалған құрғақ қойма бөлмелерінде +5 - + 25 °C температурада құрғақ картон қораптарда сақтаңыз. Сақтау шарттары сақталса, комбинезондар 10 жыл бойы өздерінің физикалық қасиеттерін жоғалтпайды.

• бұл жинақ биологиялық ластанған заттармен тікелей жанасу салдарынан қорғайды;
• өлі құстармен жұмыс істеу үшін қолдануға болады (құс тұмауы кезінде);
• бүкіл жинақты, соның ішінде оның бөлек бөліктерін дезинфекциялауға болады;
• Бір реттік комбинезон ČSN EN 14126 стандарттарының талаптарына сәйкес келеді;
• комбинезон материалы – алдыңғы жағындағы полипропилен негізіндегі тоқылмаған текстильді материал полимер қабатымен өңделген, бұл оның өнеркәсіптік химиялық заттардың әсерінен беріктігін және 5 барға дейінгі қысым кезінде суға төзімділігін арттырады. Қол мен аяқтағы манжеттер резеңкелі + бекітуге арналған белдікшелер. Комбинезонның өзі герметикалық үшін екі жағынан жабысқақ таспасы бар қос жолақпен жабылған сыдырмамен жарақтанған;
• бахилалар дәл сол материалдан, табаны үш қабатты, екі қабаты негізгі материалдан, соңғы сыртқы қабаты – перфорацияланған резеңкенің қатайтатын және сырғанауға қарсы қабаты;
• ауа және су өткізбейді, адам денсаулығына зиянсыз, микробқа қарсы әсері бар барлық гигиеналық талаптарға жауап береді, сонымен қатар оңай дезинфекцияланады және залалсыздандырылады;
• қолғап – нитрилкаучуктан жасалған;
• UVEX қауіпсіздік көзілдірігі улы қатты және сұйық аэрозольдерден, вирустар, бактериялар немесе зең споралары түріндегі микроорганизмдерден қорғауға қызмет етеді;
• REF 651 қорғаныс маскасы – зиянды және аса қауіпті биологиялық агенттерден (вирустар, микробтар, споралар және т.б.) қорғаныс.