AQT90 FLEX иммунофлуоресцентті анализаторы, Radiometer Medical ApS

AQT90 FLEX анализаторында дәл және сенімді нәтижеге сенімділікті қамтамасыз ететін зерттеу процесінің кіріктірілген аспаптық жүйелік тексеруі қолжетімді. Ол медициналық көмек көрсету пункттерінде және зертханалық жағдайларда пайдалануға арналған. Ол, сондай-ақ, өзінде шұғыл медицинада талап етілетін жоғары өлшеу дәлдігін және күнделікті жұмыста: зертханада да, науқас төсегінде де өте қажет өлшеу жүргізу қарапайымдылығын біріктіреді. Талдау нәтижелері таңдалған параметрлерге байланысты 11-21 минуттан кейін дайын болады.

Нәтиженің зертханалық сапасы 11-21 минутта. Науқастың бөлімшеде болу уақыты шектеулі болып, әр минут маңызды болған кезде, AQT90 FLEX анализаторы төсек қорын тиімді басқаруға және пациенттердің ағынын реттеуге көмектеседі.

Көптеген зерттеулер POCT орталық зертханада талдау жүргізумен салыстырғанда нәтижелерді алуды айтарлықтай жеделдететінін көрсетеді. Бұл өте маңызды болуы мүмкін – «жүрек» маркерлеріне қатысты нұсқауларға сәйкес, шешім әдетте 30 минут ішінде және, қандай жағдайда да, 60 минуттан кешіктірілмей қабылдануы керек.

Әр түрлі елдердегі мемлекеттік техникалық бағалау комитеттері POCT пациенттер ағынын тиімді реттеуге ықпал ететінін атап өтті. Осының есебінен пайда болған үнемділік көбінесе иммунохимиялық зерттеулерді жедел жәрдем бөлімшесіне ауыстырумен байланысты бастапқы шығындарды өтейді.

AQT90 FLEX анализаторы сағатына 30-ға дейінгі өлшеулерді жүргізуге мүмкіндік береді. Толық жүктелген құрылғы (16 сынақтан тұратын 15 картридж) 240 өлшеуге есептелген. Өлшеу үшін жаңа алынған қан немесе плазма қолданылады және бұл талдау процесін азайтады, өйткені сынама дайындау қажет етілмейді. Бір сынауықтан бір өлшегенде бірден беске дейінгі параметрді алуға болады.

Оператордың қауіпсіздігінің жоғары деңгейі биологиялық сұйықтықтармен жанаспау есебінен қамтамасыз етіледі. Сынаманы аналитикаға дейінгі өңдеу қажеттілігін жою және жабық түтіктерді пайдалану AQT90 FLEX анализаторымен жұмыс істеу кезінде қауіпті биологиялық сұйықтықтарымен жанасуды болдырмайды.

Күнделікті жұмысты оңтайландыру:

• бір анализатордағы «жүрек» маркерлері, қабыну, қан ұю және жүктілік маркерлері;
• жаңа алынған қанмен өлшеу – сынама дайындаудың қажеті жоқ;
• ақпараттық жүйелерге қосылу барлық алынған деректердің сақталуына кепілдік береді;
• талдауды да, калибрлеуді де толық автоматтандыру.

Қолдану саласы:

• кардиология;
• кардиохирургия;
• эндоваскулярлық хирургия;
• қарқынды терапия, реаниматология.

• 8 дюймдік TFT СКД дисплей, ажыратымдылығы 800x600 VGA;
• өлшеу циклінің ұзақтығы – 18,5 минутқа дейін (сұйылтылмаған сынамалар), 20,5 минутқа дейін (сұйылтылған сынамалар);
• контактісіз датчикпен автоматты сканерлеу;
• орыс тіліндегі бағдарламалық жасақтама, Windows операциялық жүйесі;
• сағатына тесттер – 30;
• дисплейі – сенсорлық;
• принтері – сыртқы;
• сканерлеу – сыртқы штрих-код сканері;
• басқару әдісі – автоматты;
• өлшеу принципі – иммунофлуоресцентті;
• Анықталатын параметрлер – жүктілік, веноздық тромбоэмболия, миокард инфарктісі, инфекция, жүрек жеткіліксіздігі;
• жад (нәтижелер саны) – 2000;
• сынама көлемі – 2000+;
• Реагенттердің поз. саны – 15;
• Үлгілердің поз. саны – 1;
• калибрлеу – калибрлеу қисығы бойынша;
• реагенттер жүйесі – жабық;
• бір реттік жүктеу – 1;

ЗАЖ-ға қосылу – иә

• салмағы – 35 кг;
• медициналық бұйымдардың номенклатуралық жіктемесі түрінің коды – 261440.